poeme |
De ses vers, à sa Sainte de Guillaume DES AUTELZ recueil : Amoureux Repos
J'ay fait bataille à ton nom, de mes vers,
Vers qu'Amour mesme a pour nous fait si fors
Qu'ilz ne craindront de la mort les effors
Quand nous serons desja fais proye aus vers :
Tant que la vie ame de l'univers
Fera tourner la rouë des sept corps,
Qui l'harmonie engendrent des acors
Que font tousjours leurs mouvements divers.
Le bruit volant de l'un à l'autre pole
Les portera sur sa puissante épaule
Tant qu'il les ayt de toutes pars semez :
Cassandre, Olive, et la toute divine,
Et, qui tost claire apparoitra, Méline,
N'iront sans toy aux poupitres famez.
|
|
| Une
citation au hasard |
... L'esprit le plus pénétrant a besoin du secours du temps pour s'assurer, par ses secondes pensées, de la justice des premières.
[henri françois d'aguesseau] |
| Un
poème au hasard |
Ou mon desir m'assouvira de Alain CHARTIER recueil :
Ou mon desir m'assouvira,
Ou ma tristesse m'occira
Pour vous, belle, prouchainement,
Se mon cueur quiert l'alegement
Du mal que pour vous servir a.
Ung de ces deux me suffira,
N'espoir plus ne me mentira,
Si j'ay de parler hardement,
Ou mon desir m'assouvira.
Tout bien ou tout mal m'en ira,
Car quant vostre bouche dira
Oy ou nenny, tout seulement,
Elle asserra le jugement
Dont mon dueil o* moy finera
Ou mon desir m'assouvira.
(*) avec
|
|
|
|
